साडवली ग्रामपंचायत आणि स्थानिक ग्रामस्थांच्या वतीने गावात वृक्षारोपण मोहिमेचे आयोजन करण्यात आले. पर्यावरणाचे संतुलन राखण्यासाठी आणि वाढत्या उष्णतेवर मात करण्यासाठी हा उपक्रम राबवण्यात आला. यावेळी पिंपळ, वड, कडुनिंब अशा विविध औषधी आणि सावली देणाऱ्या झाडांची लागवड करण्यात आली. केवळ वृक्षारोपण न करता या झाडांच्या संवर्धनाची जबाबदारीही प्रत्येक कुटुंबानी स्वीकारली आहे.